طريقة عمل مثلث كروشيه بـ 5 جرام خيط شرح غرزة الجراني المتزايدة

 المقدمة أهلاً بكم في درس جديد من دروس كروشيه سبيريت النهاردة هنتعلم إزاي نعمل مثلث كروشيه بغرزة الجراني لكن بطريقة مختلفة بتبدأ من رأس المثلث وبنكبر الشغل سطر بسطر الفكرة دي ممتازة لاستغلال بقايا الخيوط ومناسبة جدا لعمل زينة رمضان بألوان مبهجة وتدريجات مختلفة

الأدوات بقايا خيوط متوفرة عندك إبرة مقاس مناسب لنوع الخيط مقص وإبرة تنظيف ميزان رقمي للتأكد من الوزن

خطوات العمل الباترون المكتوب

البداية نبدأ بعمل دايرة سحرية ونرتفع ب 3 سلاسل ونشتغل في الدايرة 2 عمود بلفة ونشتغل 3 سلاسل ونلف الشغل

السطر الثاني في الغرزة اللي جنب السلسلة على طول هنشتغل 1 عمود زائد سلسلة وفوق آخر عمود من السطر السابق هنشتغل 2 عمود بلفة ونشتغل 3 سلاسل ونلف الشغل

السطر الثالث هنشتغل في الفراغ 3 عمود بلفة زائد سلسلة زائد عمود فوق السلسلة في آخر السطر ونشتغل 3 سلاسل ونلف الشغل

السطر الرابع في أول فراغ هنشتغل 3 عمود بلفة زائد سلسلة زائد 3 عمود بلفة زائد سلسلة زائد عمود فوق آخر عمود من السطر السابق ونشتغل 3 سلاسل ونلف الشغل

السطر الخامس فوق أول سلسلة من سلاسل الارتفاع هنشتغل 1 عمود بلفة والفراغ اللي جنبه هنشتغل 3 عمود بلفة زائد سلسلة زائد 3 عمود بلفة في الفراغ التالي ونقفل ب 1 عمود فوق آخر عمود من السطر السابق ونشت

غل 3 سلاسل ونلف الشغل

السطر السادس فوق أول عمود أو سلسلة ارتفاع هنشتغل 2 عمود زائد سلسلة زائد 3 عمود بلفة زائد سلسلة في 2 فراغ في السطر وفوق آخر عمود هنشتغل 2 عمود بلفة ونشتغل 4 سلاسل ونلف الشغل

السطر السابع في أول فراغ هنشتغل 3 عمود بلفة زائد سلسلة تكرر 3 مرات وفي آخر السطر عمود بلفة ونرتفع بتلات سلاسل ونلف الشغل

السطر الثامن هنكرر اللي عملناه في السطر السابق فوق كل فراغ 3 عمود بلفة زائد سلسلة تكرر 4 مرات ونقفل بعمود بلفة نرتفع ب 3 سلاسل ونلف الشغل

السطر الأخير في الغرزة اللي جنب سلاسل الارتفاع هنشتغل 2 عمود زائد سلسلة ونكرر اللي عملناه في السطور السابقة في كل فراغ هنشتغل 3 عمود بلفة تكرر 3 مرات ونقفل الشغل ب 3 عمود بلفة فوق آخر غرزة ونشتغل سلسلة ونشد الخيط ونقصه

نصيحة  للتنسيق تقدري تعملي المثلث ده تدريجات ألوان واحد أو تلوني كل كام سطر وتشكلي على ذوقك وحسب إمكانياتك واستخدمي الإبرة المناسبة لمقاس الخيط عشان الشغل يطلع متناسق ومشدود